Ռուսաստանը չի կարող Ղարաբաղյան հակամարտությունում կողմերից մեկին աջակցել, քանի որ Հայաստանն իրենց դաշնակիցն է, իսկ Ադրբեջանը՝ ընկերը, «Հաքքին.ազ»-ի հետ հարցազրույցում ասել է ռուս պատգամավոր, Պետդումայի արտաքին գործերի հանձնաժողովի նախագահ Ալեքսեյ Պուշկովը, որը Բաքվում ընթացող ԵԱՀԿ խորհրդարանական վեհաժողովի նիստի ռուսական պատվիրակության ղեկավարն է:
Պատասխանելով ադրբեջանցի լրագրողի հարցին, որ շատերի կարծիքով, եթե Ռուսաստանը ցանկանար, Ղարաբաղի հակամարտությունը վաղուց լուծված կլիներ՝ Պուշկովն ասել է.
«Ամեն ինչ այդքան հեշտ չէ, ինչպես թվում է: Ղարաբաղի հակամարտությունը շատ բարդ հակամարտություն է, ես կասեի՝ հետխորհրդային տարածքում ամենաբարդերից է: Այստեղ չկա հեշտ լուծում: Ռուսաստանն իր կողմից կարող է միայն երկրներին կոչ անել փոխշահավետ լուծում գտնել: Հասկացեք, Հայաստանը մեր դաշնակիցն է, իսկ Ադրբեջանը՝ մեր ընկերն ու հարևանը, այդ պատճառով Ռուսաստանը չի կարող աջակցել այս հակամարտության կողմերից որևէ մեկին», – ասել է նա՝ ավելացնելով, որ հակամարտությունը խաղաղ կարգավորելու իրենցից կախված ամեն բան, որը կգոհացնի երկու կողմերին, իրենք կանեն:
Պատրաստեց Հովհաննես ԻՇԽԱՆՅԱՆԸ
Ահա,արդեն 20 տարի է ԼՂՀ- Ադրբեջան հակամարտությունը ներկայացվում է որպես Հայաստան-Ադրբեջան հակամարտություն,որը ջուր է լցնում ադրբեջանական քարոզչամեքենային՝Հայաստանը տարածքային նկատառումներ ունի հարևան/ոչ բարով/ երկրի նկատմամբ:ԼՂ-ի բնակչության ցանկությունը, ադրբեջանից անկախ ապրել, համաշխարհային հանրության կողմից ավելի պոզիտիվ կընդունվի,քան այժմ է,երբ բանակցությունների սեղանի մի կողմում տեսնում են ՀՀ-ի նախագահին կամ արտգործնախագահին:Պատկերը այլ կլինի,եթե Ս.Սարգսյանի փոխարեն տեսնեն Բ.Սահակյանին:Համաշխարհային քաղաքական վերնախավի ներկայիս ներկայացուցիչները չգիտեն ինչ,,հողի,, վրա է սկսվել հակամարտությունը,նրանք գիտեն այն,ինչ հիմա տեսնում են՝ՀՀ-ԱՀ հակամարտություն:Ահա,ՌԴ-ի ներկայացուցիչը նույնպես հաստատում է ոչ ճիշտ պատկերացումը: