Հուլիսի 1-ին ադրբեջանցիները կրակ էին բացել Պառավաքարի դաշտերում աշխատող գյուղացիների վրա, ժամը 15-ի սահմաններում էլ Այգեձոր գյուղի մերձակայքում դիվերսիոն-հետախուզական գործողության փորձ ձեռնարկել՝ ցանկանալով շրջապատման մեջ առնել ՀՀ ԶՈւ-երի դիրքերից մեկը: Բարեբախտաբար, մեր կողմից տուժածներ չկան, եւ հակառակորդին չի հաջողվել իրագործել դա:
Թե որքան համարժեք են հայկական կողմի ձեռնարկած քայլերը ադրբեջանական հերթական դիվերսիայի դեմ եւ ինչու Բաքվում հայ պատվիրակները չբարձրացրեցին այդ հարցը՝ Aravot.am-ի հետ զրույցում «Ժառանգություն» խմբակցության պատգամավոր Թեւան Պողոսյանը վստահեցրեց, որ չէին կարող օրակարգից շեղվել. «Տարբեր միջազգային կառույցներում օրակարգի համաձայն են ելույթներ ունենում: Ելույթ ունեցողը պետք է մնա օրակարգի շրջանակի մեջ: Բայց այնուամենայնիվ, պետք է ամեն անգամ օգնել գործողություններին: Խնդիրն այն է, որ ադրբեջանական մամուլը կառավարվում է եւ չի ներկայացնում իրականությանը համապատասխանող տեղեկություններ: Մենք պետք է կարողանանք ճիշտ ներկայացնել մեր պատասխանը մամուլում, միջազգային հանրությունում, որպեսզի ադրբեջանցի հանրությունն էլ գիտակցի, որ հայերը պաշտպանվելուց ամեն անգամ ստիպված են լինում գործողություններ անել, որոնց հետեւանքով ադրբեջանցիները կորուստներ են ստանում: Այդ տեղեկությունները պետք է կարողանանք տեղ հասցնել ադրբեջանական հանրությանը: Բայց մենք պետք է մի բան պարզ հասկանանք՝ որեւէ միջազգային կազմակերպություն որեւէ հայտարարություն չի նվազեցնելու լարվածությունը սահմանում: Մեր զինվորները պետք է պատրաստ լինեն միշտ: Մեր զինվորները, մեր բանակն այդտեղ խնդիր ունեն լուծելու, իսկ մենք ամեն ինչ պիտի անենք, որ տեղ հասցնենք ՝որեւէ նման ճնշում մեր վրա չի ազդելու, հակառակը՝ ադրբեջանցիներն ունենալու են մեծ կորուստներ»:
Մեր հարցին՝ պատերազմի վերսկսման հավանականություն չե՞ք տեսնում՝ Թեւան Պողոսյանը պատասխանեց, որ դրա համար հավատում է մի գաղափարի՝ «պատերազմը կվերսկսի միայն այն ժամանակ, երբ որ մենք ինքներս թույլ տանք, որ Ադրբեջանը գիտակցի, թե ինքը մեզանից ուժեղ է»:
Կարդացեք նաև
Հռիփսիմե ՋԵԲԵՋՅԱՆ
էս ինչ գենակիր են, գրողը տանի, խռխռալիս էլ մեծ մեծ են բրդում:Սա նորմալ չէ, շեղում է վախի հողի վրա:Ահից գոռալու նման մի բան է, ինչպես վախից հերոսանալու հայտնի վարկածները:
Հարգելի՛ Դավիթ, չգիտեմ ում ի նկատի ունեք գենակիր անվանելով՝ Թևան Պողոսյանին, թե ՀՀ բնակչությանը, բայց Ձեզ ցանկանում եմ մի հարց հղել. Դուք անձամբ ի՞նչ գենակիր եք, կամ ի՞նչ գենակիր եք Ձեզ համարում: Միգուցե Ձեր երակներում կապույտ արյու՞ն է հոսում, դա՞ է Ձեր՝ հիվանդության աստիճանի հասնող բարձր ինքնագնահատականի պատճառը:
Հարգարժան Դավիթ ես մի քանի անգամ նշել եմ, որ մեր ժողովուդը բազմաթիվ անգամ առավել իմաստուն է, քան իշխանությունները և հենց դրա շնորհիվ է, որ ձեռք բերածը չկորցնելու համար նրանց՝ իշխանություններին հանդուրժում են ամեն ինչ, իսկ ժողովրդի արձագանքը ոչ թե շեղում է վախի հողի վրա, այլ իր Հայրենիքն արյան գնով պաշտպանելու մղում: Ինչ վերաբերվում է պատերազմի հնարավոր վերսկսելուն, իմ կարծիքով կա ևս մեկ կարևոր գործոն՝ եթե գերտերություններին ձեռնտու լինի մեր ձեռքերով պատժել մեր հակառակորդին կամ հակառակը, որտեղ մենք պարզապես խաղացող ենք լինելու և ստիպված ենք լինելու առաջնորդվել մեզ առաջադրված խաղի կանոններով: Ինչ խոսք, հեղինակի վերջին միտքն առավել քան ճշմարիտ է:
Ճիշտ է: Որը ոչ մի կապ չունի ՀՀ-ի կողմից ԼՂՀ-ի ճանաչել/չճանաչելու հետ,ինչպես ՀՀԿ-ական իշխանություններն են մարդկանց փորձում վախեցնել՝ դրանով իսկ ծառայելով ռուսաստա՛նի (ու թուրքիայի) շահերին: