Վերջին օրերին ամենաքննարկվող թեմաներից մեկը Կողբ գյուղի Սուրբ Հովհաննես եկեղեցու «Խորհրդավոր ընթրիք» սրբապատկերի վրա պատկերված առաքյալին է առնչվում, որը Տավուշի մարզպետ Հովիկ Աբովյանին է հիշեցնում: Մարզպետը պնդել է, որ առաքյալն իրեն նման չէ, նկարի հեղինակը՝ լրիվ հակառակը՝ մարզպետն արժանի է լինել առաքյալների շարքում:
Aravot.am-ը ՀՀ ժողովրդական նկարիչ ու անվանի քանդակագործ Լեւոն Թոքմաջյանից հետաքրքրվեց, թե ինչ կարծիքի է երեւույթի մասին:
Արվեստագետն ասաց, որ չի տեսել սրբապատկերը, ուստի հստակ չի կարող ինչ-որ բան ասել: Մյուս կողմից էլ հավելեց. «Ժամանակին ինձ էլ քննադատեցին, Օշականում դպրատան վերեւում արած իմ գիպսե Եռաֆիգուրի (Մեսրոպ Մաշտոց, Սահակ Պարթեւ եւ Վռամշապուհ) համար: Բանն այն է, որ Մեսրոպ Մաշտոցի պորտրետը ստացել եմ Նավասարդ արքեպիսկոպոս Կճոյանից, ո՛չ որպես Կճոյան, այլ որպես Մաշտոց, իսկ Սահակ Պարթեւին արեցի Գարեգին առաջին կաթողիկոսի կերպարով: Ուղղակի դեմքերը բռնում էին, արեցի: Ժամանակի ընթացքում ոչ ոք չի իմանում, որ դա կաթողիկոսն է կամ սրբազանը…Հիմա չեմ տեսել Կողբի եկեղեցու որմնանկարը, չեմ կարող ասել, թե նկարիչը ի՞նչ մոտեցումով է արել: Կարող է պորտրետը բռնել է՝ նկարել է, կարող է՝ ուզել է դուր գալ մարզպետին»:
Գոհար ՀԱԿՈԲՅԱՆ
իսկ որ Թոքմաջյանը քանդակել է Մասիվի նարկոման թաղապետի արձանը, դրա՞ն ինչ կասի