«Բավարիա» ֆուտբոլային ակումբի նախկին նախագահ Ուլի Հյոնեսը, որ պետության հարկերը վճարելուց խուսափելու համար դատարանի վճռով 3,5 տարի պետք է բանտում անցկացնի, կալանավայրում գերեզմանափոր է աշխատում: Նրա աշխատավարձը ժամում 1,12 եվրո է, բայց կարող է ավելանալ մինչեւ 1,87 եվրո: Հյոնեսի աշխատանքն սկսվում է ժամը 9.00-ին, ավարտվում` 15.30-ին:
Ուլի Հյոնեսը վերջերս Գերմանիայի կլինիկաներից մեկում երկու ամիս բուժման կուրսեր անցնելուց հետո վերադարձել է ներկայիս «մշտական բնակության» վայր: Նրա գործին մոտ կանգնած աղբյուրները նշում են, որ բանտում նրա աշխատելը կարող է դատավճռի ժամկետը վերանայելու հիմք ծառայել:
Ա. Հ.
«Առավոտ» օրաթերթ
20.08.2014
