Կոտայքի մարզի ընդհանուր իրավասության դատարան էր այսօր ներկայացել դատակոչված վկա Օնիկ Հակոբյանը: Նա Վարդան Պետրոսյանի հետ ծանոթ է եղել շուրջ 5 տարի, ընտանիքի անդամների հետ գտնվել է ջերմ հարաբերությունների մեջ:
Նա անցյալ տարվա հոկտեմբերի 20-ին տեսել է Վարդան Պետրոսյանին, նրա քրոջը՝ Աշխենին:
Այդ օրը եղել է նկարահանում, թե ովքեր էին նկարահանում իրականացնում՝ վկան չէր հիշում: Նա ասաց,. որ ունի հիշողության կորուստ:
Թե երբ էին գնացել նկարահանողները, վկան նույնպես չհիշեց:
Տուժող Արթուր Հակոբյանի ներկայացուցիչ Ռուբեն Բալոյանի հարցին էլ, թե այդ օրը տաքսի կանչե՞լ եք, վկան դարձյալ չհիշեց:
Կարդացեք նաև
Վկան հիշում էր միայն, որ այդ օրը սեղանին ջրի բաժակներ են դրված եղել, իսկ ինքն էլ օղու բաժակով ջուր է խմել:
Տուժող կողմի միջնորդությամբ հրապարակվեց նախաքննության ժամանակ վկայի տված ցուցմունքը: Ըստ այդ ցուցմունքի, փաստաբան ունենալ չի ցանկացել, քանի որ դրա կարիքը չի զգացել:
Վկան հայտնել էր, որ կեսօրին Վարդան Պետրոսյանը զանգել է բջջայինով իր հեռախոսին, հրավիրել է իրենց տուն ընդմիջման:
Նա հայտնել էր , որ սեղանի շուրջ Վ.Պետրոսյանը ուտելիք է պատրաստել, որոշ ժամանակ անց նկահարանողները գնացել են:
Քրոջ որդու եւ քրոջ հետ Վարդանը մնացել էր տանը:
Վարդանին քիչ հետո զանգել է, հրավիրել իրենց տուն, սակայն ըստ վկայի , Վարդանն ասել էր, թե նա արդեն Եղվարդից դուրս է եկել, ուղեւորվում է Երեւան:
«Բազմիցս փորձեցի կապ հաստատել նրա հետ, սակայն նրա բջջային հեռախոսը չէր պատասխանում: 2 ժամ անց ինձ զանգեց եղբայր Ավետիք Բադալյանը եւ ասաց, որ Վարդան Պետրոսյանը ենթարկվել է վթարի, թե ինչպես, ինձ հայտնի չէ»,-ասել էր նախաքննության ժամանակ այս վկան:
Դատարանում վկայի հարցաքննությունը՝ տեսանյութում:
Ռուզան ՄԻՆԱՍՅԱՆ
