Հոկտեմբերի 10-ը հանրահավաքային պայքարի սկիզբը կլինի, որը հնարավոր է ճակատագրական նշանակություն ունենա, վստահեցնում է ՀԱԿ խմբակցության ղեկավար Լեւոն Զուրաբյանը: «Մենք պետք է հասնենք նրան, որ հոկտեմբերի 10-ին Ազատության հրապարակում այնքան ժողովուրդ հավաքվի, որ ըստ էության, ներկայացնի ՀՀ ժողովրդին եւ մանդատ տա հետագա կարեւոր գործողությունների համար»,- ասաց նա։
Արդյո՞ք սա կարող է հանգեցնել նստացույցերի կամ հանրահավաքների շարունակականության: Պարոն Զուրաբյանի խոսքերով` իրենք կդիմեն Սահմանադրությամբ թույլատրվող յուրաքանչյուր քայլի.«Մենք նրա համար չենք ամիսներ շարունակ աշխատել այս համախմբման վրա, որ ընդամենը մի պտիչկայի համար հանրահավաք անենք ու ասենք` հանրահավաքը արել ենք»։
Ի դեպ, հոկտեմբերի 10-ին՝ հանրահավաքի օրը Մինսկում, հավանաբար, որոշվի նաեւ ԵՏՄ-ին ՀՀ անդամակցության հարցը: Արդյո՞ք այս հանգամանքին եւս անդրադարձ կկատարվի՞ հանրահավաքում. «Սա պայքար չէ որեւէ աշխարհաքաղաքական օրիենտացիայի համար: Սա ընդհանրապես ամենակարեւոր հարցը չէ, այսօր կարեւորն այն է, որ հայ ժողովուրդը ստանա ընտրովի իշխանություն, որը հաշվետու է իր առջեւ»:
Կարդացեք նաև
Մանրամասները կարող եք կարդալ` «Ա1+»-ի կայքում
