65 տարի շարունակ Նյու Յորքում բժիշկ աշխատած Հովհաննես Օյունջյանը, որն այսօր Գյումրիում բացեց արվեստի գերժամանակակից դպրոց, ամերիկյան հենց այդ քաղաքում ունեցել է իր սեփական կլինիկան: Այն եղել է ամենահեղինակավոր, պահանջված բուժհաստատություններից մեկը:
Բժիշկը մեզ հետ զրույցում ասաց, որ օրական 30-35 հիվանդների է բուժել` չկարողանալով անգամ գիշերը հանգստանալ: Նրա ասելով, այժմ փակել է կլինիկան, գոցել վերջինիս դռները, քանի որ ինքն այլևս թոշակառու է: Սակայն 94 տարեկան բժիշկը Նյու-Յորքում իր աշխատածը տեղափոխել է Հայաստան: Նա իր հորն ու մոր հոգու հանգստության համար Գյումրիում դպրոցներ է կառուցել, այսօր շահագործման հանձնվեց նրա քրոջ` Վարդուհու անունը կրող արվեստի դպրոցի շենքը, պատրաստվում է նաև արհեստի դպրոց հիմնել:
Բժիշկը մեզ հետ զրույցում մեջբերում է Ալեքսանդր Մակեդոնացու օրինակը, որը իր մահից առաջ կանչում է ծառային, խնդրում գրել իր կտակը: Աշխարհի տիրակալը կտակում է դագաղի մեջ իր ձեռքերի ափերը դուրս հանած դնել, որպեսզի աշխարհը տեսնի , որ իր հետ ոչինչ չի կարող տանել: «Հիմա բացատրեմ, ես էլ, որ մեռնեմ մի դագաղով պիտի երթամ, ինչ որ ունիմ հօս պիտի ընեմ, գրպանս ծակ ըլլալով աս երգրեն պիտի հեռնամ, երթամ» , -ասում է հեղինակավոր բժիշկը:
Կարդացեք նաև
Իսկ զրույցի վերջում մեծ բարերարը կատակում է, որ իրեն սիրում են թե Շիրակի մարզպետը, թե երկրի նախագահը, քանի որ նյույորքյան կլինիկայով ինչ աշխատել, Հայաստան է բերել: «Երբ որ աս երկիր դրամ փերեք, ամեն մարդ կսիրե…»,- ծիծաղելով ասում է բժիշկ Օյունջյանը:
Մանրամասները` տեսանյութում
Նունե ԱՐԵՎՇԱՏՅԱՆ
Ինչու այս մարդու մասին ավելի շատ չեք գրում: Քանի էջ եք նվիրել Լիսկաներին ու Վարդաններին: Փառաբանեք արժանավերին, սիրտնես փառավորվի: Թե չէ էնպիսի տպավորություն եք ստեղծում մամուլով, որ հայաստանում լավ բան չկա: Ձեզանից է, հայաստանից չի: