Շիրակի մարզի դատախազության շենքի առջև գլխավոր դատախազին ամոթանք տալուց հետո , քաղաքացիները շարժվեցին դեպի Գյումրու Մայր Հայաստան հուշահամալիրի հարևանությամբ գտնվող ռուսական ռազմաբազա: Ոստիկանները պարբերաբար փորձում էին արգելել զայրացած քաղաքացիների տեղաշարժը դեպի ռազմաբազայի անցակետ, սակայն սա ոչ մի ձևով չխոչընդոտեց պաշպանությունը ճեղքելու և ռազմաբազայի պարիսպների մոտ հանցագործին հայերի դատին հանձնելու պահանջ ներկայացնելու:
Հավաքվածները պարբերաբար պահանջում էին ռուսական ռազմաբազայի հրամանատարական կազմին ու նրանց իրավապահներին, որպեսզի դուրս գան ու պատասխանեն հայերին հուզող հարցին: Ռուս զինվորների ու սպաների կողմից ոչ մի արգելափակող գործողություն չիրականացվեց, վերջիններս ընդհանրապես ի հայտ չեկան տարածքում:
Կարդացեք նաև
Մոտ կես ժամ անց նրանց միացավ նաև Շիրակի մարզի դատախազ Րաֆֆի Ասլանյանը, որը սկզբում առաջարկեց 102-րդ ռազմազայից տեղափոխվել դեպի դատախազության տարածք ու 15 հոգուց բաղկացած խումբ ստեղծել պահանջը քննարկելու: Ցուցարարները չհամաձայնեցին՝ պահանջելով հենց այդտեղից զանգահարել ՀՀ գլխավոր դատախազին և բավարարել իրենց պահանջը:Այլապես նրանք սպառնացին ամբողջ գիշեր շարունակել բողոքի ակցիան հենց ռուսական ռազմաբազայի դիմաց:
Րաֆֆի Ասլանյանը ոչ միան զանգահարեց, այլ ուղիղ միացմամբ գյումրեցիների և ողջ հայության պահանջը ներկայացրեց գլխավոր դատախազին: Վաղը Գևորգ Կոստանյանը կլինի Գյումրիում:
Րաֆֆի Ասլանյանի ու ցուցարարների երկխոսությունը տեսանյութում:
Նունե ԱՐԵՎՇԱՏՅԱՆ
