Aravot.am-ի հետ զրույցում քաղաքագետ Գագիկ Համբարյանն, անդրադառնալով Բերձորում տեղի ունեցած ծեծուջարդին, ասաց, որ ինքը թեև չի ողջունում Ժիրայր Սեֆիլյանի ու նրա ընկերների իշխանափոխություն քարոզող ավտոերթը դեպի Արցախ, սակայն միաժամանակ ցնցված է Արցախի ոստիկանության հանցագործությունից:
«Ես ունեմ իմ ուրույն տեսակետը էս հարցի վերաբերյալ: Նախ առաջինն ասեմ, որ շատ հարգելով պարոն Սեֆիլյանին` որպես Արցախի ազատամարտի կարկառուն ներկայացուցչի, զարմացա, որ ինքն ու իր ընկերները նախաձեռնել էին իշխանափոխության գործընթացը Արցախից: Նախ` բերենք ճշտենք, ասում եք Արցախը անկախ երկիր է, ունի իր սեփական իշխանությունը, իր սեփական կառավարությունը, ես այդպես էլ չհասկացա` կոնկրետ այդ իշխանափոխությունը ի՞նչ կապ ունի Արցախի հետ: Երկրորդ`լինելով ազատամարտիկ` ինքը շատ լավ գիտի, որ Ստեփանակերտից ընդամենը մի քանի տասնյակ կիլոմետր հեռավորության վրա տեղի են ունենում ռազմական գործողություններ: Եվ մեր թշնամին միշտ առիթավորվել է, երբ Հայաստանում և Արցախում, ավելի շատ Հայաստանում տեղի են ունեցել իրադարձություններ հակասական բնույթի: Եվ գնալ Արցախ իշխանափոխության, ես կարծում եմ, սխալ էր, բայց միևնույն ժամանակ այն, ինչ տեղի ունեցավ Բերձորում, ես համարում եմ հանցագործություն: Ուղղակի զարմացած եմ`մի՞թե Արցախի ոստիկանապետը չէր կարող շատ տարրական ձևով արգելել նրանց մուտքը Արցախի տարածք, ավտոշարասյունը կանգնեցներ, հետ ուղարկեր `ասելով իշխանափոխությունը սկսեք ՀՀ տարածքից: Այն, ինչ թույլ տվեց Արցախի ոստիկանապետը, իսկ առանց նրա հրահանգի հատուկ ջոկատայինները հատուկ տեխնիկայով չէին կարող այդպիսի դաժանություն ցուցաբերել հայի նկատմամբ, հանցագործություն է: Ես գտնում եմ, որ Արցախի ոստիկանապետին անհապաղ պիտի գործից հանեն, և ոչ միայն, պիտի պատժեն օրենքի ամբողջ խստությամբ», նշեց նա:
«Ո՞նց է իրեն թույլ տվել հարձակվելու անզեն մարդկանց վրա, եթե նույնիսկ ավտոերթի մասնակիցներից որևէ մեկը օրենքի խախտում էր թույլ տվել, թող օրենքը խախտողին ձերբակալեին, այլ ոչ թե հասնեին, վնասեին մարդկանց: Ո՞վ է թույլ տվել վնասել որևիցե մեկի ունեցվածքը, մեքենաները ջարդել, առանց հաշվի առնելու, որ մեջը մարդիկ կան, կանայք, երեխաներ: Եթե սովորական քաղաքացիները սխալ են գործում, ապա իշխանությունները ավելի զգույշ պետք է լինեն, սխալին չպատասխանեն կրկնակի սխալով, որովհետև իշխանությունները ավելի մեծ պատասխանատվություն են կրում, քան ընդդիմությունը: Իշխանությունը իրավունք չունի այդպիսի կոպիտի սխալ գործի: Եվ Արցախի ոստիկանապետը լավ կլինի այսօր բացի ադրբեջանական կայքերը, բոլոր տեսանյութերը դիտի և տակի մեկնաբանությունները ընթերցի, թե ինչպես են հայերը հայերին ոչնչացնում, և ինչպես են ադրբեջանցիները հրճվում:Կարելի է ավտոշարասյանը հանգիստ հետ ուղարկել, առանց խայտառակվելու, Արցախի ու Հայաստանի իմիջին վնաս հասցնելու: Գյումրիում Ավետիսյանների սպանդից հետո տեղի ունեցած հանրահավաքների ժամանակ,ռուսական հյուպատոսարանի շենքի մոտ մեր ոստիկանները իրենց այնքան կոռեկտ պահեցին…», ասաց Գագիկ Համբարյանը:
Նունե ԱՐԵՎՇԱՏՅԱՆ
Նույնիսկ ԼՂՀ-ի «միջազգային ճանաչումը» Արցախի խնդրի լուծում չէ, որովհետև առաջին հերթին հենց Ռուսաստանը ԼՂՀ-ին թույլ չի տա ՄԱԿ-ի անդամ դառնալ (2-րդ հայկական պետություն Անդրկովկասում նրան բացարձակ պետք չէ): Իսկ առանց այս անդամակցության ոչ մի երկիր չի կարող դառնալ միջազգային իրավունքի լիիրավ սուբյեկտ կամ լիարժեք կերպով գործել միջազգային հարաբերություններում: Այսինքն՝ կհայտնվի այն իրավական գորշ տիրույթում (legal limbo), որտեղ այսօր հայտնվել են Պաղեստինն ու Կոսովոն. էլ չեմ խոսում Աբխազիայի և Հարավային Օսիայի մասին:
Արցախն այսօր ՀՀ մաս է: Արցախում ՀՀ քաղաքացի զինվորներն են ծառայում: «Նախագահ» Բակո Սահակյա՛նն էլ է ՀՀ անձնագրով ճանապարհորդում: Արցախը de facto և de jure «անկախություն» չունի՛: ՀԳ.Եթե տենց դուխով են,թող գնան Պերմյակովին կալանավորեն: