Հանցմանի թաղամասում գտնվող բնակելի այս շենքը, որի ճակատային հատվածում երեկ գյումրեցի ակտիվիստների կողմից հայտնվեց ցուցապաստառը, հենց Շիրակի մարզպետարանի դեմ դիմաց է: Այսինքն՝ ի տես կառավարության տեղի ներկայացուցիչների, որոնք կարող են գյումրեցիների դժգոհությունը հասցնել վերեւներին:
Հետաքրքիրն այն է, որ բողոքը փակցվեց այն ժամին, երբ Շիրակի մարզպետարանում հյուրընկալում էին ՀՀ Վերահսկիչ պալատի նախագահ Իշխան Զաքարյանին, որը լինելով համահայկական խաղերի կառավարական կազմկոմիտեի նախագահ՝ Արագածոտնի մարզպետի ու այս մարզի քաղաքապետերի ուղեկցությամբ եկել էր կազմակերպչական հարցեր քննարկելու Շիրակի մարզպետի, Գյումրու, Արթիկի ու Մարալիկի քաղաքապետերի հետ: Մարզպետարանի մուտքի մոտ հյուրերին սպասող պաշտոնյաներից մի քանիսը աչքերը չէին կտրում ցուցապաստառից՝ լրագրողներին հորդորելով՝ նկարեք, նկարեք, միգուցե մի բան փոխվի՞: Սակայն նկատենք, որ քիչ անց, երբ արդեն դուրս եկանք մարզպետարանի շենքից՝ «կդորըմ մարդ» լինելու կոչն արդեն հանված էր, ըստ էության սա դուր չէր եկել «հասարակական կարգը պահպանող» ոստիկաններին:
ՆՈՒՆԵ ԱՐԵՎՇԱՏՅԱՆ
Լուսանկարը՝ ՆՈՒՆԵ ԱՐԵՎՇԱՏՅԱՆԻ
Կարդացեք նաև
«Առավոտ» օրաթերթ
22.05.2015
