Ադրբեջանական լրատվամիջոցները գրում են, որ այդ երկրի նախագահ Իլհամ Ալիեւի 29-ամյա դուստրը՝ Լեյլան բաժանվել է ամուսնուց՝ Էմին Աղալարովից: Լեյլան «Ինստագրամ» սոցիալական կայքի իր էջում գրել է. «Ադրբեջանում շատերի համար գաղտնիք չէ, որ վերջին տարիներին Էմինի հետ իմ ամուսնությունը կրում էր ձեւական բնույթ: Մենք վաղուց առանձին ենք ապրում, տարբեր քաղաքներում: Եկել է մեր բաժանվելը պաշտոնապես ձեւակերպելու ժամանակը, ինչը մենք արեցինք: Մենք մնում ենք բարեկամներ»:
Լեյլան եւ Էմինը ամուսնացել են 2006թ. ապրիլի 30-ին, որից հետո Լեյլա Ալիեւան տեղափոխվել է Մոսկվա: 2008թ. դեկտեմբերի 1-ին Լեյլան ԱՄՆ-ում երկվորյակ տղաներ է ունեցել: Էմին Աղալարովը բնակվում է Մոսկվայում, նրա հայրը Ռուսաստանում մեծ հարստության, մեծաքանակ անշարժ գույքի տեր է: Էմինը նաեւ երգիչ է:
Կարդացեք նաև
Ոսկան ՍԱՐԳՍՅԱՆ
