«Ռուսական ձեռնարկության տնօրինության հետ մեր իշխանությունները հանցավոր համաձայնության են եկել: Եթե ճնշումներ կան Ռուսաստանից, թող ասեն, մենք տեր կանգնենք իրենց»,- էլեկտրաէներգիայի սակագնի բարձրացման որոշումից այսօր վրդովված դժգոհում էր մի քաղաքացի:
Նա ասաց, որ թույլ չեն տալու սակագինը այս անգամ էլ բարձրացնեն, անկախ նրանից, թե ինչ որոշում ընդունեց հանրային ծառայությունները կարգավորող հանձնաժողովը.
«Թույլ չենք տալու, եղա՞վ: Ձեռնարկությունները քանդեցին, գործազրկություն, հիմա էլ համատարած թանկացումներ: Իմիջիայլոց երկի՞ր են կառավարում»:
Մի ուրիշ քաղաքացի էլ զգուշացրեց. «Այսօր էլեկտրաէներգիան թանկացրին, մյուս տարի ավելի են թանկացնելու, մյուսը լինելու է գազը, երկաթուղին, տրանսպորտը: Մի մտածեք, որ հարյուր դրամը ոչ մի բան է»:
Կարդացեք նաև
«Տասը տարի գերշահույթով աշխատել են, Հայաստանը դարձրել են լվացքատուն, փողեր են լվանում: Սաղ մենք ենք մեղավոր, որ թույլ տվեցինք հասնի էս օրին, բայց հիմա այլեւս թույլ չենք տալիս, եկել է կարմիր գիծը, վերջ: Թանկացում նշանակում է կաթվածահար անել տնտեսությունը, թող հանրային ծառայությունները կարգավորող հանձնաժողովի նախագահ Նազարյանը ժողովրդին բացատրի՝ ինչու է տասը տարի անգործության մատնվել, ինչու չի բարձրաձայնել ՀԷՑ-ի չարաշահումների մասին»,- ասաց քաղաքացին:
Մանրամասները` տեսանյութում
Արփինե ՍԻՄՈՆՅԱՆ
