«Այս ընթացքում մեկ անգամ չէ, որ Ադրբեջանի ղեկավարությունը խոսել է խնդրի ռազմական լուծման մասին, եւ սա ապացուցում է, որ ՀԱՊԿ-ը Հայաստանի դաշնակիցն է, ու ՀՀ-ն կարող է ակնկալել իր գործընկեր երկրների, նախեւառաջ Ռուսաստանի աջակցությունը»,-այսօր ՀՀԿ ԳՄ նիստից հետո լրագրողների հետ զրույցում ասաց ԱԺ փոխնախագահ, ՀՀԿ խոսնակ Էդուարդ Շարմազանովը՝ անդրադառնալով ՀԱՊԿ գլխավոր քարտուղար Նիկոլայ Բորդյուժայի՝ այսօր արած հայտարարությանը:
Արդյոք Բորդյուժայի հայտարարությունը պայմանավորված է պատերազմի վերսկսման հետ, կա՞ պատերազմի վերսկսման հավանականություն, լրագրողների այս հարցին Շարմազանովն ասաց, որ տեսականորեն, քանի դեռ խաղաղության պայմանագիր կնքված չէ, պատերազմն ավարտված չէ:
Շարմազանովը նաեւ տեղեկացրեց, որ այս ՀՀԿ ԳՄ նիստին քննարկել են ներկուսակցական ու ներքաղաքական հարցեր եւ Ազգային ժողովի արտահերթ նիստի աշխատանքը:
Կարդացեք նաև
Նելլի ԲԱԲԱՅԱՆ
