Այսօր առավոտ մեզ զանգահարեցին եւ ասացին, որ Իջեւանի «Քարարտ» ՓԲԸ վարորդները, ովքեր պատկերված են մեր հեղինակած նյութում, ընկերության տնօրինության կողմից հանդիմանանքի են արժանացել, վարորդները ցանկանում են , որ իրենց լուսանկարները հանվեն համացանցից:
Հետո մեզ զանգահարեց «Քարարտ» ՓԲԸ տնօրեն Կարեն Գիշյանը, ով հայտնեց, որ 2014թ. Ոսկեպար-Կիրանց ճանապարհի ոլորանում իրենց ընկերության բեռնատարը՝ արտադրանք հանդիսացող սալիկներով հանդերձ, չի շրջվել, քարի վերամշակմամբ զբաղվող այլ ընկերության բեռնատար է շրջվել: Կ. Գիշյանը հայտնեց, որ իրենց ընկերության բեռնատարը 2012թ. չի գնդակոծվել Ոսկեպար-Կիրանց ճանապարհին:
Նշենք, որ այդ ճանապարհին գնդակոծությունները սովորական երեւույթ են:
Հավելենք, որ«Քարարտ» ՓԲԸ սեփականատեր Արթուր Բաղրյանը 2010թ. Աչաջրից Իջեւան քաղաք, «Քարարտ» ՓԲԸ ընկերություն է տեղափոխել Մակարավանքի շրջակա տարածքից 7 խաչքար: Մամուլի բազմաթիվ ահազանգերից հետո, մեկուկես տարի անց, խաչքարերը վերադարձվեցին Մակարավանք:
Կարդացեք նաև
Նշեք, որ 3 անգամ ամուսնացած, հավատացյալ Արթուր Բաղրյանը եղել է Մակարավանքի խաչքավոր:
Ոսկան ՍԱՐԳՍՅԱՆ
