Հայաստանի պատանի ծանրորդները Լանդսկրոնայում այսօր ավարտված Եվրոպայի մինչեւ 15 եւ 17 տարեկանների առաջնությանը հրաժեշտ տվեցին եւս մի չեմպիոնական տիտղոս նվաճելով:
Մեր վերջին մասնակիցը՝ + 69 կգ քաշային Արփինե Դալալյանը, 17 տարեկանների մրցապայքարում վեցերորդ ոսկե մեդալը պարգեւեց Հայաստանին: Պոկում վարժությունում Արփինեի 84 կգ-ն ընդամենը հինգերորդ ցուցանիշն էր: Սակայն հրումում, որտեղ մեր աղջնակն իրեն անհամեմատ ավելի վստահ է զգում, նա չունեցավ հավասարը՝ բարձրացնելով հաջորդաբար 109, 114 եւ 119 կգ կշռող ծանրաձողերը եւ երկամարտի 203 կիլոգրամով շրջանցելով իրենից առաջ գտնվող բոլոր մրցակիցներին՝ բարձրացավ չեմպիոնական պատվանդան:
Աշոտ ՀԱԿՈԲՅԱՆ