«Անկախությունը գաղափարական եւ գրագետ քաղաքացի է, որը գիտի, որ անկախության պաշտպանն է եւ պատրաստ է դրա համար պայքարել: Շատերի համար անկախությունը երեխայի համար կոշիկ գնելն է, կամ պաշտպանվածության զգացումը, երբ պետությունը տեր է կանգնում իր քաղաքացիներին եւ անկախությունը պաշտպանում դրսի վտանգներից»,-այսօր, խոսելով անկախության հռչակագրի 25-րդ ամյակի մարտահրավերների մասին, լրագրողների հետ հանդիպմանը նշեց ԱԺ պատգամավոր, ՀԱԿ քարտուղար Արամ Մանուկյանը:
Նա վերհիշեց, որ անկախության առաջին տարիների մեծագույն արժեքները, որոնց հաշվին հաղթանակ գրանցվեց Ղարաբաղյան պատերազմում, արժանապատիվ քաղաքացին է եւ պետության տերը զգալու հնարավորությունը: Այդ քաղաքացին, Մանուկյանի խոսքով, պատերազմում հաղթում է, որովհետեւ կռվում է ոչ թե գողերի, այլ պետության համար. «Այն պահից, երբ երկիրը անցնում է գողանալուն եւ երբ նախարարը կամ պատգամավորը սեփական խնդիրը գերադասում է երկրի խնդրից, երկիրը սկսում է կործանվել»:
ԱԺ պատգամավորի խոսքով՝ Հայաստանի իշխանություններն այսօր դրսում հեղինակություն չունեն. «Նազարբաեւը կամ Պուտինը Հայաստանում կարող է ավելի շատ հարց լուծել, քան Սերժ Սարգսյանը: Գերմանացիները կարող են այնպիսի նախագիծ իրականացնել, որ հայերը ոչինչ չեն կարող անել»:
Արամ Մանուկյանը կարծում է, որ անկախության սերունդը սոցցանցերի օգտատերերն են, որոնք վիրտուալ հարթակում կարողանում են կարծիք արտահայտել:
Կարդացեք նաև
Մանրամասները՝ տեսանյութում.
Լուիզա ՍՈՒՔԻԱՍՅԱՆ
