Թուրքիայից մրգերի եւ բանջարեղենի ներմուծումը Ռուսաստան կարգվելի, սակայն սահամանափակումներն ուժի մեջ կմտնեն մի քանի շաբաթից: Այս հայտարարությունն, ըստ «Sputnik Узбекистан»,-ի, Ռուսաստանի վարչապետ Դմիտրի Մեդվեդեւի մոտ անցկացված խորհրդակցությունից հետո արել է ՌԴ կառավարության պաշտոնական ներկայացուցիչ Արկադի Դվորկովիչը:
Նա նշել է, որ ռուսները մրգերի եւ բանջարեղենի պակաս չեն զգալու: Ռուսաստանն այդ ապրանքատեսակներից մեծ կախվածություն չունի, քանի որ ավելացրել է դրանց աճեցման ծավալները Հյուսիսային Կովկասում, Կուբանում, Ստավրոպոլում, Ռոստովում եւ Վոլգոգրադում:
«Ռոսսելխոնադզորի» պաշտոնական ներկայացուցիչ Ալեքսեյ Ալեքսեյենկոն էլ հայտարարել է. «Մրգերի եւ բանջարեղենի մասին այդ նորությունը, հստակորեն, ուրախացրել է մեր հարեւաններին՝ հարավկովկասյան երկրներին, Հայաստանին, Վրաստանը եւ Ադրբեջանը շատ դրական են ընդունել այդ նորությունը, իսկ Իրանը պատրաստ է ավելացնել իր մթերքների արտահանման ծավալները, որոնք, ի դեպ, իսկապես շատ լավ որակի են»։
Ալեքսեյենկոն նաեւ ասել է, որ Հայաստանն արդեն հիմա պատրաստ է լրացնել այդ բացը եւ ավելացնել բանջարեղենի ու մրգերի աճեցումը եւ արտահանել ռուսական շուկա:
Կարդացեք նաև
Կայքը հիշեցրել է, որ այսօր պատրաստվել է Ռուսաստանի կառավարության բանաձեւը Թուրքիայի դեմ իրականացվելիք քայլերի մասին: Փաստաթուղթը դեռ չի ստորագրվել, սակայն հայտնի է դարձել, որ արգելվելու են բանջարեղենի եւ մրգերի ներմուծումը Թուրքիայից եւ չեղյալ են համարվել չարտերային չվերթները:
Պատրաստեց Աշոտ ԻՍՐԱԵԼՅԱՆԸ
