Բրիտանացի բռնցքամարտիկ Թայսոն Ֆյուրին, որ շաբաթ օրը Դյուսելդորֆում կայացած մենամարտում գերծանր քաշային կարգի IBF, IBO, WBO եւ WBA գոտիները վերցրեց ուկրաինացի Վլադիմիր Կլիչկոյից, աշխարհի նախկին չեմպիոնին մեղադրել է դոպինգային խարդավանքների մեջ:
«Շատ վստահելի աղբյուրներից ես ինֆորմացիա ունեի, թե պետք չէ հանդերձարանում որեւէ բանի դիպչել, որովհետեւ Կլիչկոյի թիմը կարող է փորձել իմ օրգանիզմ դոպինգի ներթափանցում կազմակերպել: Նրանք կարող էին «գլխիս սարքել», որպեսզի դոպինգ թեստը ձախողեմ: Նրանք խաբեբա են եւ այդ գործում շատ վարպետ են: Նրանք ցանկանում էին տարբեր մեթոդներով ինձ վրա ճնշում գործադրել, ինչպես արել են նախորդ բռնցքամարտիկներից շատերի հետ: Բայց չստացվեց:
Ռեվանշ մրցամա՞րտ: Չեմ կարծում, թե Կլիչկոն ավելիին կարող էր հասնել: Նա կվերլուծի մենամարտը եւ կհասկանա: Չէ՞ որ նա խելացի է: Իսկ եթե մտքով անցնի, թե շանս ունի, եկեք անենք դա», – հայտարարել է աշխարհի նոր չեմպիոնը:
Աշոտ ՀԱԿՈԲՅԱՆ
Կարդացեք նաև
Լուսանկարը՝ eurosport-ի
