Ռուսաստանի նախագահ Վլադիմիր Պուտինի մամուլի խոսնակ Դմիտրի Պեսկովը հայտարարել է, որ իր երկիրը չի հրապարակի Թուրքիայի եւ «Իսլամական պետություն» ահաբեկչական խմբավորման միջեւ նավթի վաճառքի մասին ապացույցներ. հաղորդում է «BBC»-ն:
«Կարեւորը նման տեղեկատվություն ունենալն ու աշխատանքում օգտագործելն է, որը հիմնականում կենտրոնացած է ոչ թե ինչ-որ բան ապացուցելու, այլ՝ ահաբեկչության դեմ պայքարի վրա: Այս տեղեկատվությունն օգտագործվելու է ահաբեկչության դեմ պայքարում»,- ասել է Պեսկովը:
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ հրաժարական կտա, եթե հայտնվեն ապացույցներ, որ Թուրքիան նավթ է գնում Ռուսաստանում արգելված «Իսլամական պետություն» խմբավորման զինյալներից:
«Եթե դա ապացուցվի, մեր ազգային արժանապատվությունը կպահանջի, որ ես հրաժարական տամ»,- ասել է Էրդողանը:
Կարդացեք նաև
Պեսկովը նաեւ մեկնաբանել է Ահմեդ Դավութօղլուի Ռուսաստանի եւ Թուրքիայի միջեւ ռազմական կապի ուղիներ ստեղծելու առաջարկը, որն ուղղած կլինի օդում միջադեպերի խուսափելուն: «Մեր զիվորականների միջեւ ռազմական կապեր եղել են եւ դրանք միտված են եղել այսպիսի ողբերգությունները կանխարգելելուն: Այս ուղիները չեն աշխատել եւ ոչ Ռուսաստանի մեղքով»,- նշել է Պեսկովը:
Պատրաստեց Աշոտ ԻՍՐԱԵԼՅԱՆԸ
