Երեւանի քաղաքապետարանի տեղեկատվության եւ հասարակայնության հետ կապերի վարչությունը այսօր տեղեկատվություն է տարածել, թե առատ ձյան պայմաններում սանմաքրման ծառայությունները վաղ առավոտից աշխատում են արտակարգ ռեժիմով:
Սակայն կեսօրից հետո մայրաքաղաքի կենտրոնական փողոցները, մասնավորապես՝ Արշակունյաց պողոտան, Խանջյան, Հերացի, Գրիգոր Լուսավորիչ փողոցները ծածկված էին ձյան հաստ շերտով ու սանմաքրման հատուկ տեխնիկայի աշխատանքի ոչ մի հետք չէր երեւում: Տաքսիների վարորդներն էլ զայրացած դժգոհում էին, թե հատուկ տեխնիկայի ոչ մի տեղ չեն հանդիպել:
Աշոտ ՀԱԿՈԲՅԱՆ
Զեյթունից մինչև Մաշտոցի վարչական շրջան ոչ մի մաքրող մեքենայի աշխատանք չտեսանք…
Հունվարի 1ի երեկոյան Արաբկիրից մինչև Արցախի պող. ոչ մի փողոց մաքրված չէր
02.01.2016-Այսօր երեք ժամ ոտքով շրջել եմ Երևանի կենտրոնական փողոցներով՝ Աբովյանով իջել եմ մինչեւ հրապարակ, հետո Մաշտոցի պողոտայով բարձրացել մանր ու միջին փողոցներով: Այդ ընթացքում ոչ մի մաքրող մեքենա չտեսա, միայն Բաղրամայն/Մոսկովյան հատվածում աղ էին ցանում: Սարսափելին այն է, որ փողոցներում միայն մեկ գիծ է բաց, մնացածը ձյան տակ է; Մայթերի մասին լռում եմ: Անցումների աստիճանները ձյան հաստ շերտի տակ էին; Մի խոսքով մարդ պիտի երիտասարդ ու առողջ լինի, որ այս օրերին քաղաք իջնի:)))) Իսկ ընդհանրապես հեքիաթային ձմեռ է, վաղուց բնությունը մեզ նման նվեր չէր մատուցել: