«Իմ համար անընդունելի է, որ ահաբեկչական բանդայի այդ չակերտավոր գործի շրջանակներում անընդհատ ազատամարտիկների են ձերբակալում: Ակնհայտ է, որ Հայաստանում այդ թվաքանակներով ահաբեկիչներ չեն կարող լինել, այն էլ ազատամարտիկների շրջանում»,- Ազատության հրապարակում «Նոր Հայաստանի» հրավիրած մամուլի ասուլիսի ընթացքում հայտարարեց «Ժառանգություն» կուսակցության փոխնախագահ Արմեն Մարտիրոսյանը:
Ըստ պարոն Մարտիրոսյանի՝ կամ իշխանությունն իշխանությունը չէ, ինչը համապատասխանում է իրականությանը, եւ քաղաքացիների չի թողել այլ ճանապարհ, քան որեւէ պայքարի տեսակով, այդ թվում՝ զինված պայքարի միջոցով հաստատելու օրինականությունը երկրում, «կամ դա ընդամենը ինչ-որ քաղաքական հակառակորդներին եւ խմբերին չեզոքացնելու միջոց է»:
Արմեն Մարտիրոսյանը կարծում է, որ այս գործի շրջանակներում այդ երկու հանգամանքն էլ կան. «Ես դատապարտում եմ այդ անթույլատրելի գործընթացները»:
Աշոտ ԻՍՐԱԵԼՅԱՆ
Կարդացեք նաև
