Խորհուրդ է տրվում մեղրին խառնել հաղարջ (1:1 հարաբերությամբ), ընդունել ամեն օր մեկական թեյի գդալ, ուտելուց 30 րոպե առաջ։
Վերցնել 100 գրամ եղեսպակ, 75 գրամ անթառամ, 50 գրամ դառը օշինդր։ Մեկ ճաշի գդալ խառնուրդին` մեկ բաժակ եռման ջուր։ 2-3 ժամ թրմել, քամել, խմել օրական երեք անգամ, կես բաժակ, ուտելուց` 30 րոպե առաջ։
Վերցնել հավասարաչափ անթառամ, մատիտեղ թռչնոց` ճնճղապաշար կամ ծտապաշար, երեսնակ կամ մասուր։ Երեք ճաշի գդալ խառնուրդին` երեք բաժակ եռման ջուր։ Թրմել թերմոսում 3-4 ժամ, քամել։ Խմել օրը երեք անգամ, կես բաժակ` ուտելուց 30 րոպե առաջ։
Դեղնախտի ժամանակ ժողովրդական բժշկությունը առաջարկում է օգտագործել անթառամ ծաղիկը։ Մեկ թեյի գդալ բույսը թրմել մեկ բաժակ եռման ջրում։ Թողնել 2-3 ժամ։ Խմել օրական երեք անգամ՝ 100 գրամ։
Կարդացեք նաև
Լյարդը, ինչպես նաեւ աղիները մաքրելու համար առաջարկվում է 20 գրամ ձիթապտղի կամ արեւածաղկի յուղը խառնել 50 գրամ կիտրոնահյութի հետ եւ խմել մեկ շաբաթ, առավոտյան` քաղցած վիճակում։ Լավ է այդ ընթացքում ուտել անալի, խաշած բրինձ։ Սա նաեւ օգտագործում են լեղապարկը մաքրելու համար, ուստի նախ պարզեք բուն խնդիրը, խորհրդակցեք բժշկի հետ, նոր սկսեք ինքնաբուժում:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
05.02.2016
