Արցախի հանրապետական կուսակցության համանախագահ, մարդու իրավունքների բնագավառում միջազգային մրցանակների դափնեկիր, «Հելսինկյան նախաձեռնություն-92»-ի` ԼՂՀ կոմիտեի համակարգող Կարեն Օհանջանյանը «Առավոտ»-ի հետ զրույցում անդրադառնալով Ռուսաստանի ԱԳ նախարար Սերգեյ Լավրովի` Հայաստան կատարած այցին, հնչած հայտարարություններին եւ Ղարաբաղում առկա տրամադրություններին` նշեց.
Արցախի հանրապետական կուսակցության համանախագահ, մարդու իրավունքների բնագավառում միջազգային մրցանակների դափնեկիր, «Հելսինկյան նախաձեռնություն-92»-ի` ԼՂՀ կոմիտեի համակարգող Կարեն Օհանջանյանը
«Ես եւ Լեռնային Ղարաբաղի բնակչության մեծամասնությունը կարծում ենք, որ այս 5 օրերին ադրբեջանական դրոշի տակ անկախ Լեռնային Ղարաբաղի դեմ վարած պատերազմում հանդես է եկել ագրեսորների միջազգային կոալիցիան` ներառյալ Ադրբեջանը, Թուրքիան, Իսրայելը եւ Ռուսաստանը: Հակամարտության կողմերին վաճառելով մահացու զենք` նրանք կոպիտ խախտել են միջազգային իրավունքը, հետեւաբար, եւ այդ պետությունները հանդիսանում են Ադրբեջանի հանցակիցը` ինքնիշխան Լեռնային Ղարաբաղի դեմ վարվող ռազմական ագրեսիայի գործում:
Ինչ վերաբերում է Լավրովի`քաղաքական երկխոսության վերականգնման հայտարարությանը, ապա կարծում եմ, որ Լեռնային Ղարաբաղի եւ Հայաստանի ղեկավարությունը կարող է երկխոսություն վարել Ադրբեջանի հետ միայն Լեռնային Ղարաբաղի միջազգային ճանաչման կոնտեքստում: Այդ առումով, հարկ է նշել ՀՀ ԱԳՆ ապաշնորհ ղեկավարությանը`Էդվարդ Նալբանդյանի գլխավորությամբ, որը տապալել է ոչ միայն ամբողջ քաղաքական գործընթացը, այլ նաեւ չկարողացավ կազմակերպել միջազգային աջակցություն միջազգային ագրեսիայի դեմ` Լեռնային Ղարաբաղի ժողովրդի կողմից վարվող պայքարում: ՀՀ նախագահը, ելնելով Լեռնային Ղարաբաղի, Հայաստանի եւ ամբողջ հայության շահերից, պետք է անհապաղ ազատի Էդվարդ Նալբանդյանին եւ Սեյրան Օհանյանին զբաղեցրած պաշտոններից, ինչպես նաեւ` նրանց հետ միասին ռազմական գերատեսչության ամբողջ կաշառակեր ղեկավարությանը»:
«Հելսինկյան նախաձեռնություն-92»-ի` ԼՂՀ կոմիտեի համակարգող Կարեն Օհանջանյանի հետ հարցազրույցն ամբողջությամբ կարող եք կարդալ` ապրիլի 26-ի տպագիր «Առավոտ»-ում:
Կարդացեք նաև
ԷՄՄԱ ԳԱԲՐԻԵԼՅԱՆ
