«Երեւան կենտրոն» ՔԿՀ-ում գտնվող Պաշտպանության նախկին փոխնախարար Վահան Շիրխանյանի առողջական վիճակը մնում է ծանր։
«Վահան Շիրխանյանի մոտ նորից գրանցվել է թոքերի ինֆարկտ՝ թոքային զարկերակի թրոմբէմբոլիա, բարեբախտաբար դա ծանր հետեւանքներ չի թողել»,- «Ա1+»-ին հայտնեց Վահան Շիրխանյանի պաշտպան Ստեփան Ոսկանյանը:
Պաշտպանն ահազանգում է՝ կալանավորումից հետո Վահան Շիրխանյանը միշտ բարձր ջերմություն է ունեցել, թույլ է զգում։
Հետազոտության փաստաթղթերը պաշտպանական կողմը ուղարկել է Միքայելյանի անվան բժշկական կենտրոն՝ պարզելու արդյոք նորից հետազոտման կարիք կա՞։ Դրական պատասխան ստանալու դեպքում, համապատասխան դիմում կներկայացնեն վարույթն իրականացնող մարմնին կամ մեկուսարանի ղեկավարությանը՝ նրան տեղափոխելու համար:
Կարդացեք նաև
Մանրամասն՝ կարդացեք այստեղ
Հ. Գ. ՀՀ ԱՆ ՔԿՎ հանրային կապերի բաժինն այս հրապարակման կապակցությամբ տարածել է հետեւյալ պարզաբանումը. «Կալանավորված անձ Վահան Շիրխանյանը 2016թ. ապրիլի 4-ին ենթարկվել է ռենտգեն հետազոտության, որի արդյունքում վերջինիս մոտ ախտորոշվել է աջակողմյան ստորբլթային թոքաբորբ: Նշանակվել է համապատասխան բուժում:
2016թ. մայիսի 20-ին` բուժման կուրսն ավարտելուց հետո, Վ. Շիրխանյանը ենթարկվել է կրկնակի ռենտգեն հետազոտության, ըստ որի` հետազոտության պահին վերջինիս թոքերում տեսանելի օջախային-ինֆիլտրատիվ փոփոխություններ չկան»:
