Ինչպես արդեն տեղեկացրել ենք, մայիսի 28-ին տեղի է ունեցել Գարեգին Նժդեհի արձանի բացման հանդիսավոր արարողությունը: Սակայն, այդ արարողությանը հնարավորություն ունեին մասնակցել միայն հրավիրատոմս ունեցող քաղաքացիները: Մյուսները ստիպված էին Բուզանդի փողոցի տարբեր հատվածներում հետեւել արարողությանը, որտեղից գրեթե ոչինչ չէր երեւում:
Արգելապատնեշը թույլ չէին տալիս անցնել նաեւ Էմմա Սահակյանին՝ Գարեգին Նժդեհի զարմուհուն: Հիշեցնենք՝ վերջինս 2012 թվականից սկսած նախագահական նստավայրի դիմաց անժամկետ նստացույց է հայտարարել. նախագահին խնդրում է վերադարձնել իր տունը, որը խաբեությամբ իրենից վերցրել են: Չեմ իմացել, որ բացման արարողության մասնակցությունը հրավիրատոմսով է, մեկ հրավիրատոմս էլ իր համար կխնդրեր. «Ինչ օտար մարդ ասես մտնում է, բայց իր հարազատը չի մտնում»: «Ես իմանայի պլակատով կգայի»,- հավելեց նա:
Նկատենք, որ արձանը բացեցին Երեւանի քաղաքապետ Տարոն Մարգարյանը եւ Գարեգին Նժդեհի քրոջ թոռ Արմեն Բաբայանը:
Ամի ՉԻՉԱԿՅԱՆ
Կարդացեք նաև
