Հռոմի պապի Հայաստան կատարած այցելության առաջին օրվա ընթացքում հասարակության ուշադրությունը գրավել էր այն հանգամանքը, որ Հռոմի պապ Ֆրանցիսկոսը ոչ թե զրահապատ մեքենայից էր օգտվել այլ, «Renault» մեքենա էր նախընտրել:
Լրագրողները Հռոմի պապի խոսնակ Ֆեդերիկո Լոմբարդիից հետաքրքրվեցին, թե ինչո՞ւ Հռոմի պապը «Range Rover»-ով, «Bentley»-ով չի շրջում կամ զրահապատ մեքենայով: Վերջինս պատասխանեց, որ Հռոմի պապն է որոշել շատ հասարակ մեքենա օգտագործել, քանի որ ցանկանում է ապրել հասարակ մարդկանց կյանքով, իսկ շքեղ մեքենան խորհրդանշում է հարստություն, հզորություն, իշխանություն
«Նա փորձում է մեզ ուրիշ ուղերձ հղել: Ուստի, ընտրում է պարզունակ եւ փոքր տրանսպորտային միջոցներ: Ինձ թվում է՝ շատ սքանչելի է: Գուցե այստեղ չէ, բայց Ամերիկայում ավտոմեքենաների մեծ քարավաններ են անվտանգության սպաներով, մեծ, ահռելի, հզոր զրահապատ մեքենաներ եւ հետեւից գալիս է մի փոքրիկ մեքենա: Ասում են՝ այ սա հենց Պապի մեքենան է»,- Ֆեդերիկո Լոմբարդիին:
Ամի ՉԻՉԱԿՅԱՆ
Կարդացեք նաև
