«Հաշվի առնելով տեղական ինքնակառավարման մարմիններում նրա փորձը, էներգետիկ և տնտեսական ոլորտին քաջատեղյակ լինելը, ինչը թույլ կտա գլխավորել իրականացվելիք բարեփոխումները` ՀՀԿ-ն վարչապետի պաշտոնում երաշխավորել է Կարեն Կարապետյանի թեկնածությունը»,-այս մասին այսօր ՀՀԿ ԳՄ և խորհրդի նիստերից հետո լրագրողների հետ զրույցում ասաց ՀՀԿ փոխնախագահ Արմեն Աշոտյանը` պատասխանելով հարցին, թե ինչու է ՀՀԿ-ն առաջադրել հենց Կարեն Կարապետյանի թեկնածությունը:
Աշոտյանը տեղեկացրեց, որ նիստում Կարեն Կարապետյանին ՀՀԿ-ին անդամակցելու առաջարկ անելու հարց չեն քննարկել: Աշոտյանը հիշեցրեց, որ Տիգրան Սարգսյանն էլ ժամանակին վարչապետի պաշտոնում առաջադրվելիս ՀՀԿ անդամ չէր: «Սա ՀՀԿ-ի եւ Կարեն Կարապետյանի գործակցության առաջին ձեւաչափը չէ, նա ժամանակին առաջադրվել է Երեւանի քաղաքապետի պաշտոնում»,-հավելեց Արմեն Աշոտյանը:
Կարդացեք նաև
Լուիզա ՍՈՒՔԻԱՍՅԱՆ
)))))))