Հեղինակավոր՝ Համաշխարհային տնտեսական ֆորումի տվյալներով Հայաստանը մրցունակությամբ զիջում է բոլոր չորս հարևաններին, և այդ վատագույն ցուցանիշը Հայաստանը պահպանում է արդեն երրորդ տարին շարունակ:
Ֆորումի հրապարակած 2016-2017 թվականների համաշխարհային մրցունակության զեկույցի համաձայն 138 երկրների շարքում Հայաստանը զբաղեցրել է 79-րդ հորիզոնականը: Ճիշտ է, նախորդ տարվա համեմատ 3 տեղով առաջըթնաց է գրանցվել, սակայն հարևաններն ավելի լավ դիրքերում են՝ Ադրբեջանը զբաղեցրել է 37-րդ հորիզոնականը, Թուրքիան՝ 55-րդ, Վրաստանը 59-րդ և Իրանը՝ 76-րդ:
«Ազատությունն» այսօր չկարողացավ ստանալ կառավարության արձագանքը, թե շարունակաբար բարեփոխումների փուլում գտնվող Հայաստանը ինչու է հայտնվել նման իրավիճակում: Հարցում ենք ուղարկել նորանշանակ վարչապետ Կարեն Կարապետյանի աշխատակազմ, պատասխան դեռ չունենք:
Մանրամասներին կարող եք ծանոթանալ՝ «Ազատություն» ռ/կ-ի կայքում:
