Ինչպես հայտնի է՝ դեկտեմբերի 29-ին ՀՀ Տավուշի մարզի Չինարի գյուղից դեպի հարավ արևելք ընկած պետական սահմանի հատվածում ադրբեջանական զորքերի ձեռնարկած դիվերսիոն ներթափանցման փորձի ժամանակ հայկական կողմը ունեցել էր երեք զոհ: ՀՀ պետական սահմանի պաշտպանության համար մղված մարտերի ընթացքում զոհվել են ավագ լեյտենանտ Շավարշ Մելիքսեթի Մելիքյանը, շարքայիններ Էդգար Գրիգորի Նարայանը և Էրիկ Գարիկի Աբովյանը:
Այսօր Աշոցքում հերոսներից մեկին՝ Շավարշ Մելիքյանին հուղարկավորելիս, գյուղի տարեց մի տղամարդ՝ 68-ամյա Սուրիկ Դանիելյանը պատմեց այն, ինչ լսել է գյուղում 26-ամյա Շավարշի մահվան հանգամանքների մասին: «Դե աչքովդ չես տեսել, բայց պատմելով էսպես է. երկու զինվոր դիրքերից ներքև են իջել՝ լվացվելու ձորակի մեջ, էդ պահին թուրքերը հարձակվել են էդ երեխեքի վրա, Շավարշն այդ պահին վերցրել է ավտոմատն ու հասել օգնության: Գյուղում ասում են, որ մեր Շավարշը խփել է երկու թուրքի, նրանք սպանվել են, իսկ իր հետևից սնայպերն է խփել»,-արցունքներն աչքերին, բայց միաժամանակ հպարտությամբ պատմում էր տարեց տղամարդը:
Կարդացեք նաև
Նունե ԱՐԵՎՇԱՏՅԱՆ
