Ֆրանսիայում եւ Ուկրաինայում հայտնի Միջազգային ֆրանսիական ռադիոյի՝ RFI, լրագրող Ելենա Գաբրիելյանը «Առավոտ»-ին է ներկայացրել Ֆրանսուա Օլանդի՝ երկրի հայ համայնքի հետ հանդիպման մանրամասները, երկրում տրամադրությունները՝ կապված սպասվող նախագահական ընտրությունների հետ, եւ նաեւ հայ-ֆրանսիական հարաբերությունների հեռանկարները՝ Հայաստանի Հանրապետության նախագահ Սերժ Սարգսյանի՝ Փարիզ կայանալիք այցի եւ Հայաստան-ԵՄ շրջանակային համաձայնագրի լույսի ներքո:
Խոսելով Ֆրանսիայի հայ համայնքի մասին, Ելենա Գաբրիելյանը ասաց, որ այսպես կոչված «հայկական ձայների» մասին սխալ կարծիք է կազմվել. «Ֆրանսիայում շատերի մոտ սխալ կարծիք է կազմվում այն մասին, որ հայերը քվեարկում են նրանց օգտին, ովքեր խոստանում են զբաղվել Հայոց ցեղասպանության հարցերով: Բայց այդ հարցին անդրադառնում են նախագահի գրեթե բոլոր թեկնածուները … Բացառությամբ նրանց, ովքեր պայմանականորեն անվանում են հակահամակարգային՝ ծայրահեղ աջ, ծայրահեղ ձախ: Այդ իսկ պատճառով, այսպես կոչված «հայկական ձայները» այստեղ ընտրություններում չկան:
Ես Շարլ Ազնավուրից, որը միշտ այդ ավանդական ընթրիքի պատվավոր հյուրն է, հարցրեցի, թե ինչպես են հայերն այստեղ քվեարկում, եւ իմ կարծիքով նա շատ հստակ եւ ճշգրիտ պատասխանեց՝ «նրանք քվեարկում են ինչպես ֆրանսիացիները»:
Հարցազրույցն ամողջությամբ կարդացեք «Առավոտի» փետրվարի 25-ի համարում:
Կարդացեք նաև
Ամի ՉԻՉԱԿՅԱՆ
Լուսանկարը՝ France 24-ի:
