Այսօր կայացավ ԿԸՀ արտահերթ նիստ, որի օրակարգում նախապես ընդգրկված էր երկու հարց. «Իրազեկ քաղաքացիների միավորում» խորհրդատվական հասարակական կազմակերպության դիմումի քննություն, Ազգային ժողովի ընտրություններին մասնակցող կուսակցությունների, կուսակցությունների դաշինքների տարածքային ընտրական ցուցակներում ընդգրկված թեկնածուներին տրված ընտրական համարների, որոնց մասին ընդունվեց համապատասխան որոշում եւ տրվեց պարզաբանում:
Նիստից առաջ հանձնաժողովի նախագահ Տիգրան Մուկուչյանը հանձնաժողովի անդամներին տեղեկացրեց, որ ԿԸՀ-ում ԱԺ ընտրություններին մասնակցող պատգամավորության մի շարք թեկնածուներից ինքնաբացարկի դիմումներ են ստացվել եւ այդ դիմումները բավարարելու հարցը նույնպես ներառվել են օրակարգ:
Ըստ այդմ, «Հայկական վերածնունդ»-ից ինքնաբացարկի դիմում էին ներկայացրել մի քանի, «Հայաստանի կոմունիստական կուսակցությունից»՝ մեկ թեկնածու: Դիմումատուները սահմանված կարգի համաձայն հաստատեցին իրենց ինքնաբացարկի որոշումը: Հանձնաժողովը քվեարկությամբ նրանց գրանցումը համարեց ուժը կորցրած:
Աշոտ ՀԱԿՈԲՅԱՆ
