Մարդու իրավունքների եվրոպական դատարանը բավարարել է մի խումբ մայրերի հայցը, որոնց երեխաները զոհվել են կամ տուժել 2004թ. Բեսլանի ողբերգության ժամանակ: Դատարանը վճռել է, որ Ռուսաստանի իշխանությունները խախտել են նրանց հարազատների կյանքի իրավունքը և պարտավորեցրել է շուրջ 3 միլիոն եվրո վճարել զոհերի կամ տուժածների հարազատներին:
Վճռի համաձայն՝ ՌԴ իշխանությունները չեն ձեռնարկել անհրաժեշտ միջոցներ՝ ահաբեկչության բոլոր հանգամանքները և պատանդների մահվան պատճառները հետաքննելու համար:
Միևնույն ժամանակ դատարանը վճռել է, որ ռուսական իշխանությունները չեն կարողացել գրոհն այնպես կազմակերպել, որ նվազագույնի հասցնեն պատանդների շրջանում զոհերի թիվը, բացի այդ, նրանք տեղեկություն են ունեցել նախապատրաստվող ահաբեկչության մասին, բայց բավականաչափ միջոցներ չեն ձեռնարկել վտանգը նվազագույնի հասցնելու համար:
Հիշեցնենք, որ 2004թ. Բեսլանում չեչեն անջատողականները ավելի քան 1000 պատանդ էին վերցրել քաղաքի դպրոցներից մեկում: ՌԴ իշխանությունները գրոհել են դպրոցը: Տեղի ունեցածի հետևանքով զոհվել է 385 մարդ, այդ թվում՝ 186 երեխա:
