«ՀՀԿ ներկայացուցիչներն ասելիք չունեն, իրենց հույսը դրել են կրկին պետական ռեսուրսը օգտագործելու վրա». Ալեն Սիմոնյան

«ՀՀԿ ներկայացուցիչներն ասելիք չունեն, իրենց հույսը դրել են կրկին պետական ռեսուրսը օգտագործելու վրա». Ալեն Սիմոնյան

«Մենք ամեն տարի փուչիկներ ենք բաց թողնում, զարդարանքներ ենք պատվիրում և նշում Երևանի 2800-ամյակը, բայց Երևանում ամեն տարի 100 տարվա մեկ շենք է քանդվում: Այդ հարցերի շուրջ բավականին շատ անելիք կա»,-այսօր «Բլից ինֆո» ակումբում ասաց «Ելք» դաշինքով ավագանու թեկնածու առաջադրված Ալեն Սիմոնյանը:

Հիշեցնենք, որ այսօր մեկնարկեց Երևանի ավագանու ընտրությունների քարոզարշավը:

Ալեն Սիմոնյանի խոսքով, իրենց համար առաջնահերթ հարցեր են նաեւ տրանսպորտի, քաղաքաշինության, առողջապահության ոլորտների փոփոխությունները:

«Եկել է իրերը իրենց անունով կոչելու ժամանակը: Իշխող կուսակցության ներկայացուցիչները հրաժարվում են բանավեճից, որովհետեւ ասելիք չունեն ու իրենց հույսը դրել են կրկին պետական ռեսուրսը օգտագործելու վրա եւ պատրաստ չեն, ունակ չեն բանավեճի: Այսօր երեւանցին պետք է կրկին ականատես լինի միայն թաղային հեղինակությունների հետ շփումների եւ փուչիկների բացթողմանն ու թեկնածուի թաթիկով անելուն ու հեռանալուն, ինչպես տեսանք ԱԺ ընտրությունների ժամանակ, երբ ՀՀԿ թեկնածուները գրեթե չերեւացին: Հետագայում ԱԺ-ում ունենում ենք պատգամավորներ, որոնք ունեն զրո ելույթներ: Այդ մարդիկ ո՛չ քարոզարշավի ժամանակ են խոսում, ո՛չ ԱԺ-ում, ո՛չ էլ իրենց պաշտոնավարման ժամանակ»,- ասաց «Ելք» դաշինքի ավագանու թեկնածուն:

Նրա համոզմամբ, այս ընտրությունները կանցնեն լարված, կրկին ընտրակաշառք կբաժանվի.«Կլինեն ընտրակաշառքներ, բայց ոչ այնքան, որքան խորհրդարանական ընտրությունների ժամանակ: Կաշխատեն ավելի շատ օգտագործել պետական ռեսուրսը»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք