Թուրքիայի ԱԳՆ-ն քննադատել է ԱՄՆ նախագահ Դոնալդ Թրամփի հայտարարությունը Ապրիլի 24-ի կապակցությամբ` նշելով, որ դրանում տեղեկատվությունը թերի է, և կան սխալ բացատրություններ։ Այս մասին գրում է Anadolu-ն։
«2017թ. ապրիլի 24-ին 1915թ. իրադարձությունների վերաբերյալ ԱՄՆ նախագահ Դոնալդ Թրամփի հայտարարությունը պարունակում է թերի տեղեկատվություն և սխալ բացատրություն և վերցված է տարիների ընթացքում հայկական որոշ շրջանակներում քարոզչական մեթոդներով ստացված տեղեկատվական աղբից։
ԱԳՆ-ն տեղեկացնում է ԱՄՆ վարչակարգին, որ «օսմանյան հայերը, որոնք կորցրել են իրենց կյանքը Առաջին համաշխարհային պատերազմի ժամանակ, այս տարի ևս ըստ արժանվույն հիշատակվել են Ապրիլի 24-ին Ստամբուլի Հայոց պատրիարքարանի կողմից իրականացված արարողության ժամանակ»:
Հիշեցնենք, ԱՄՆ նախագահ Դոնալդ Թրամփը ապրիլի 24-ի կապակցությամբ հնչեցրած իր ելույթում դարձյալ խուսափել էր «ցեղասպանություն» եզրից՝ նշելով, որ չպետք է թույլ տալ՝ վայրագությունները կրկնվեն:
