Այսօր Երեւանի քաղաքապետ Տարոն Մարգարյանը նախընտրական քարոզարշավի շրջանակներում Դավիթաշեն համայնքում էր: Նա անդրադարձավ մայրաքաղաքի տրանսպորտի խնդրին, եւ վստահեցրեց. «Ձեռներս ծալած չենք նստել, արդեն խնդրի լուծման փուլում ենք»:
Մանրամասները՝ տեսանյութում
Լրագրողների հետ զրույցում անդրադառնալով Երեւանի ավագանու մյուս ուժերի ներկայացուցիչների՝ տրանսպորտի վերաբերյալ քաղաքապետին ուղղված մեղադրանքներին, եւ քաղաքապետարանի ծառայողական մեքենաներին, Տարոն Մարգարյանն ասաց. «Ինչո՞ւ նոր հիշեցին այս խնդիրը: Իսկ մեր ընդդիմախոսները օգտվո՞ւմ են տրանսպորտից, կամ ընտրություններից հետո տրանսպորտի՞ց են օգտվելու»:
Կարդացեք նաև
Ապա` Մարգարյանը վստահեցրեց, որ կարճ ժամանակում տրանսպորտի խնդիրն էլ կլուծվի, խորհրդատու կազմակերպություն կա:
Aravot.am-ի հարցին՝ ուղեվարձի թանկացում նախատեսվա՞ծ է տրանսպորտային խնդրի լուծման արդյունքում, Մարգարյանը պատասխանեց. «Ամեն ինչ անելու ենք, որ մեր սոցիալական խմբերին լրացուցիչ բեռ չավելացնենք»:
Իսկ մյուս խմբերի համա՞ր, մեր այս հարցին էլ Մարգարյանն այսպես պատասխանեց. «Մենք ամեն ինչ անելու ենք, որ էդ խնդիրը չլինի: Հիմա ես ուզում եմ հասկանամ ու ձեզ ուղիղ հարց տամ՝ 1 կանգառ գնալու համար 100 դրամ եք վճարում, 7 կանգառ գնալու համար՝ 100 դրամ: Կարող ա էդ 1 կանգառ գնալու համար 20 դրամ ա, խի՞ եք 100 վճարում»:
Մանրամասները՝ տեսանյութում
Նելլի ԲԱԲԱՅԱՆ
Եթե պարոն քաղաքապետը պետք է մի քանի հարյուր հազար դոլար տար խորհրդատու կազմակերպությանը, որպեսզի իմանար, որ մեկ կանգառի համար հնարավոր է նաև 20 դրամ վճարել, ապա հանգիստ կարելի է ասել, որ նա իր տեղում չէ. առանց պետական փողերը քամուն տալու էլ կարելի էր հանգել այդ գաղափարին, քանի որ այն վաղուց կիրառվում է աշխարհում, և այդ թվում՝ նախկին ԽՍՀՄ-ում: