Եվրամիությունը Վրաստանին կհատկացնի 32 մլն դոլար՝ ԵՄ ինտեգրման տեխնիկական աջակցության և բարեփոխումների իրականացման համար: Այս մասին հայտարարել է Վրաստանի վարչապետ Գեորգի Կվիրիկաշվիլին, հաղորդում է «ՌԻԱ Նովոստին»:
Ֆինանսական փաստաթուղթը ուրբաթ ստորագրել են Վրաստանի՝ եվրոպական և եվրատլանտյան կառույցներին ինտեգրման հարցերով պետնախարար Վիկտոր Դոլիձեն և Թբիլիսիում գտնվող հարևանության և ընդլայնման հարցերով եվրահանձնակատար Յոհաննես Հանը:
«Բոլորը տեսնում են այն բարիքը, որ բերում են ԵՄ-ի հետ քաղաքական ասոցացումը և եվրաինտեգրման գործընթացը. դրանք ամուր ժողովրդավարական ինստիտուտներն են, անկախ դատական համակարգը, մարդու իրավունքների պաշտպանության բարձր մակարդակը, տնտեսական կայունությունը և մրցունակ բիզնես-միջավայրը, դրանք նոր նախաձեռնություններն են տարածաշրջանային և ենթակառուցվածքների զարգացման համար… Եվրամիությունն օգնում է մեզ իրականացնել բոլոր բարեփոխումները, հենց այդ պատճառով էլ այսօր ստորագրվել է ֆինանսական համաձայնագիր, որի հիման վրա ԵՄ-ը մեզ հատկացնում է 32 մլն դոլար»,- հայտարարել է Կվիրիկաշվիլին եվրահանձնակատարի հետ համատեղ ճեպազրույցում:
Նա հավելել է, որ ֆինանսական աջակցությունը կօգտագործվի իրականացնելու համար «այն բոլոր գործընթացները, որոնք մերձեցնում են Վրաստանին և Եվրամիությանը»:
Կարդացեք նաև
Պատրաստեց՝Վիկտորյա ԱՆԴՐԵԱՍՅԱՆԸ
