Իջեւան քաղաքից 7 երեխաների հայր Դավիթ Սահակյանը դժգոհ է, որ հունիսի 1-ին՝ երեխաների պաշտպանության միջազգային օրը, 4-րդ դասարանն ավարտող իր զույգ տղաները պետք է մասնակցեն հայոց լեզվի քննության: Նա ասաց,որ նկարչական շնորհք ունեցող իր տղաները հունիսի 1-ին հրավիրված են Երեւան, որ պետք է մասնակցեն մշակութային միջոցառման: Բազմազավակ հոր խոսքերով՝ հիմա ինքը չգիտի ինչպես վարվել:
Դ. Սահակյանի վկայությամբ՝ նախորդ տարիներին եւս երեխաները հունիսի 1-ին դպրոցում քննություն են հանձնել:
Մասնագիտությամբ իրավաբան Սահակյանը դա համարեց երեխաների իրավունքների սահմանափակում, ասելով, որ այդ օրը երեխաները պետք է իրենց օրը տոնեն, ուրախանան, ոչ թե քննություն հանձնեն:
Ոսկան ՍԱՐԳՍՅԱՆ
