Վարչական դատարանն այսօր մերժեց Երեւանի ավագանու ընտրություններն անվավեր ճանաչելու եւ նոր ընտրություններ նշանակելու վերաբերյալ «Երկիր Ծիրանի» կուսակցության դիմումը: Դատական նիստին «Երկիր Ծիրանի» կուսակցությունից ոչ ոք ներկա չէր, կուսակցության ներկայացուցիչները՝ Զարուհի Փոստանջյանի գլխավորությամբ Վարչական դատարանի շենքի դիմաց էին հավաքվել:
«Ապօրինի, ակնհայտ անարդարացի դատական ակտ ենք համարում, այն նույնպես պետք է բողոքարկենք, ապագայում նաեւ միջազգային ատյաններում, եթե չունենանք գոհացուցիչ որոշում: Դատական համակարգն այս պահին չի գործում, դատական պաշտպանություն հնարավոր չէ իրականացնել, խնդիր ունենք փաստագրելու, որ այս պահին այս դատարանում գտնվող դատավորները չպահեցին օրենքի պահանջը, թույլ տվեցին ապօրինություն»,- ասաց Զարուհի Փոստանջյանը:
Արփինե ՍԻՄՈՆՅԱՆ
