«Արդեն եկել է պահը, որ արաբական երկրները որոշեն, թե ինչ են անելու Սիրիայի հարցում»,- հունիսի 13-ին «Փաստարկ» մամուլի ակումբում լրագրողների հետ հանդիպման ընթացքում ասաց ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը:
Ըստ նրա, Սիրիայում տեղի ունեցող իրավիճակը ներքին խնդիրներից վերածվել է տարածաշրջանային խնդիրների և ունի նաև գլոբալ նշանակություն: Անդրադառնալով Թուրքիայի գործողություններին՝ նա ասաց, որ անպայման չէ, որ նրանք հաջողության հասնեն, քանի որ ավելի մեծ ծրագրեր ուներ:
«Պետք չէ երբեք բացառել, որ Թուրքիա-Ադրբեջան հարաբերությունները ցանկացած պահի կարող են այնպիսի վիճակ ստեղծել, որը և՛ Թուրքիայի շահերից է բխում, և՛ Ադրբեջանի: Չեմ կարծում, որ Թուրքիայի շահերից կբխի, որ մեծամասշտաբ պատերազմական գործողություններ սկսվեն Արցախ-Ադրբեջան կամ Հայաստան-Ադրբեջան ճակատում: Որովհետև դա կարող է իսկապես անվերահսկելի դառնալ և կներքաշեն այլ պետությունների»,- ասաց նա:
Կիրո Մանոյանը չի բացառում, որ Թուրքիան կարող է աջակցել Ադրբեջանին, բայց այն պատճառով, որ Ադրբեջանի ղեկավարը իրեն լավ զգա:
Ամի ՉԻՉԱԿՅԱՆ
