Ռուսաստանի կողմից Թուրքիային C-400 հրթիռներ մատակարարելու վերաբերյալ պայմանագրի տեխնիկական հարցերը լուծվել են, մնացել է միայն վարչական մասը: Այս մասին, ինչպես գրում է «ՌԻԱ Նովոստին», հայտարարել է «Ռոստեխի» գլխավոր տնօրեն Սերգեյ Չեմեզովը:
«Տեխնիկական հարցերը մենք լուծել ենք, մնացել են վարչական հարցեր: Որոշումը պետք է կայացնեն Ռուսաստանի և Թուրքիայի կառավարությունները: Այժմ բանակցություններ են ընթանում Ֆինանսների նախարարության հետ. ամենայն հավանականությամբ, այդ նախագծի համար որոշ միջոցներ Թուրքիան ինքնուրույն կգտնի, իսկ որոշ մասն էլ կստանա վարկի տեսքով»,- ասել է նա:
Ավելի վաղ հաղորդվում էր, որ Անկարան այդ հրթիռների վրա ծախսել է շուրջ 2.5 մլրդ դոլար, և չի բացառվում, որ դրանք կարող են տեղակայվել Հայաստանի հետ սահմանին:
Պատրաստեց Վիկտորյա ԱՆԴՐԵԱՍՅԱՆԸ
