Նոյեմբերի 22-ին կամ 23-ին նախատեսված է գումարել Վանաձորի ավագանու հերթական նիստը, որը, սակայն, հարցականի տակ է: Այս մասին այսօր Սահմանադրական դատարանում լրագրողների հետ զրույցում անդրադառնալով դատարանի որոշմանը, որով Վանաձորի ավագանու նիստերը եւ որոշումները ճանաչվեցին ապօրինի, ասաց ավագանու «Լուսավոր Հայաստան» խմբակցության անդամ Արմեն Եղիազարյանը:
Նա նշեց, որ 33 ավագանու փոխարեն մինչ օրս նիստերում որոշումներ են կայացրել 15-ը, ուստի այդ ամենն իրավական ուժ չունի: «Մենք կշարունակենք բոյկոտը, քանի որ ՍԴ որոշումը նոր իրավիճակ ստեղծեց»,-տեղեկացրեց Եղիազարյանը: Նա նաեւ համոզմունք հայտնեց, որ ՍԴ որոշմամբ արդարությունը հաղթեց:
Հիշեցնենք, որ «Լուսավոր Հայաստանի», ՀՎԿ-ի եւ ԲՀԿ-ի ավագանիները մինչ օրս բոյկոտում են նիստերը:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
