«Պնդում եմ, որ հայկական կոնյակագործոթյունը եղել և մնալու է Հայաստանի արտահանման դեմքը: Հայկական գինեգործությունը վրացական, մոլդովական և ԱՊՀ տարածքի մյուս գինիների ֆոնի վրա հաջողություն է արձանագրել 2017 թվականին, ինչը թույլ է տալիս հուսալ, որ 2018 թվականի նրա արտահնման ծավալների ավելացումը շարունակվելու է»,-այսօր «Արմենպրես» մամուլի սրահում հայտարարեց «Ինտեգրացիա եւ զարգացում» կազմակերպության նախագահ Արամ Սաֆարյանը`հավելելով, որ հայկական կոնյակը շարունակում է պահանջված նալ Ռուսաստանի ճաշակ ունեցող և վճարունակ խավերի համար:
Լրագրողներից մեկը հետաքրքրվել էր հայկական կոնյակը ռուսական շուկա արտահանելու խնդիրներից. տեսակետ կա, որ ՌԴ-ն փոխել է խաղի կանոնները եւ փորձում է մաքրել շուկան ոչ ռուսական կոնյակից: «Ես կարծում եմ, որ ճանապարհին հանդես եկող բոլոր խոչընդոտները կարող են և լուծվել բանակցությունների, ԵԱՏՄ հանձնաժողովի հետ պետությունների կառավարությունների երկխոսության արդյունքում: Բայց չեմ համարում դրանք առայժմ այնքան դրամատիկ երևույթներ, որ դրանց մասին արժի խոսել պատերազմ հայտարարելու ոճով»,- ասաց Արամ Սաֆարյանը` հավելելով. «2017 թվականի Հայաստանից ԵԱՏՄ շուկա է արտահանվել ավելի քան 1,2 միլիոն լիտր որակյալ գինի, ինչը թույլ է տալիս պնդելու, որ գինեգործությունը լինելու է կոնյակագործությունից հետո երկրորդ բրենդը: Տնտեսական անբարեխիղճ մրցակցության դրսևորումներ կարող են լինել ամենուրեք: Եվ կան: Տնտեսական պատերազմներ վարվել և վարվում են նաև ԵԱՏՄ ներսում: Բայց այդ հարցերը կարող են եւ պետք է լուծվեն պետությունների երկխոսությամբ»:
Եվրասիական փորձագիտական ակումբի անդամ, տնտեսագիտության պրոֆեսոր Աշոտ Թավադյանն էլ ուշագրավ համարեց, որ ԵԱՏՄ դատարան Հայաստանից դեռ դիմումներ չկան: Նա կոչ արեց հայ արտահանողներին` հացերը չլուծել մենթալիտետն հարիր, այլ օգտագործե ԵԱՏՄ պայմանագրով ընձեռված հնարավորությունները:
Նելլի ԳՐԻԳՈՐՅԱՆ
