Երեւանի քաղաքապետ Տարոն Մարգարյանի խորհրդական Գոռ Վարդանյանը Սերժ Սարգսյանի հրաժարականը տոնելուց հետո անցել է «ընդհատակ»:
Նա այսօր ողջ օրը մեր հեռախոսազանգերին պատասխանեց շատ կարճ՝ «խորհրդակցության եմ», «հանդիպման եմ» ու արագ անջատեց հեռախոսը, այդպես էլ ամբողջ օրվա ընթացքում չհաջողվեց զրուցել Սերժ Սարգսյանի հրաժարականը տոնելու շուրջ: Իսկ նախորդ օրն ընդհանրապես չպատասխանեց զանգերին:
Aravot.am-ը քաղաքապետարանի լրատվության եւ հասարակայնության բաժնի պետ Արթուր Գեւորգյանից հետաքրքրվեց՝ քաղաքապետի խորհրդականը նկատողություն ստացե՞լ է Սերժ Սարգսյանի հրաժարականը տոնելու համար, ի պատասխան Արթուր Գեւորգյանն ասաց. «Շրջանառվում է, թե քաղաքապետի կողմից նկատողություն է արվել, աշխատանքից է ազատվել ու նմանատիպ խոսակցություններ, ինչը բացարձակ չի համապատասխանում իրականությանը»:
Մեր հարցին՝ այսինքն, այս օրերին քաղաքապետարանի աշխատակիցներն ազա՞տ էին ցույցերին մասնակցելու Սերժ Սարգսյանի հրաժարականը տոնելու հարցում, Արթուր Գեւորգյանն ասաց՝ աշխատակիցներից հարցնենք. «Ամեն մեկն ինքն է որոշում՝ ինչ անի, ինչ չանի, արգելանքի որեւէ բան չկա»:
Մեր հարցին, թե նորմա՞լ է, որ քաղաքապետի խորհրդականը Սերժ Սարգսյանի հրաժարականն է նշել, մեր զրուցակիցը պատասխանեց. «Այդ հարցն ուղղեք կոնկրետ անձնավորությանը»:
Արփինե ՍԻՄՈՆՅԱՆ
իր ձեր մտքից չի՞ անցնում որ «infiltration» կարող է լինի… amateurs ! (ներողութիւն, ինֆիլտրացյա պէտք է գրէի, որ Հայաստանի մաքուր հայերէն լինի)
Մի հետաքրքիր երեւոյթ եմ նկատել: Բոլորը բոլորի բջջայինների համարներն ունեն ու անկաշկանդ կարող են զանգել ու հարցեր տալ:
Մեզ մօտ՝ Գերմանիայում, բջջայինի համարը կարող են իմանալ միայն ամենա- ամենամօտիկները: Ու ինձ համար տարօրինակ է, որ մէկն ինձ զանգի ու հարցազրոյցի ոճի հարցեր տայ: Ես երբեք հեռախօսով նման հարցեր չեմ քննարկի:
հետաքրքիրը մանաւանդ այն է որ ահաւոր աղքատութենէ եւ սոսկալի թշուառութենէ տառապող այդ երկրին մէջ, ամէն մարդ ել գրպանում իր բջջայինը ունի… նամանաւանդ, յանուն աղքատները Երեւանի յեղափոխականներ…