ԿՈՉ ԵՆՔ ԱՆՈՒՄ ՍԱՏԱՐԵԼ «Գերագույն խորհուրդ» ակումբի անդամների հայտարարությունը Սույն թվականի մարտի 23-ին «Ազատագրված տարածքների պաշտպանություն» հասարակական նախաձեռնությունը հանդես է եկել հայտարարությամբ, որտեղ մտահոգություն է արտահայտում Արցախի խնդրի «կարգավորման» շուրջ ընթացող բանակցությունների եւ դրանց հասարակական արձագանքների վերաբերյալ։ Նախաձեռնող խումբը համոզմունք է հայտնում, որ ազատագրված հայրենի տարածքները երբեք սակարկման ենթակա չեն եւ գտնում, որ օրհասական այս պահին միայն իշխանություն-ընդդիմություն-ժողովուրդ ներքին միասնությամբ է հնարավոր դիմակայել արտաքին պարտադրանքին ու սպառնացող վտանգին։ Լիովին կիսելով այս մտահոգությունը, ողջունում ենք սույն նախաձեռնությունը եւ մեր պատրաստակամությունն ենք հայտնում ամեն կերպ աջակցել հիշյալ խնդրի իրականացմանը։ Միաժամանակ կոչ ենք անում բոլոր հայորդիներին, անկախ կուսակցական պատկանելությունից եւ սոցիալական կարգավիճակից, սատարել այս նախաձեռնությանը։ 1990-95թթ. ՀՀ Գերագույն խորհրդի պատգամավորներ Սամվել Շահինյան, Թամարա Ալոյան, Վարդան Պետրոսյան, Համլետ Դալլաքյան, Ռոբերտ Հակոբյան, Համլետ Նահատակյան, Ռուբեն Թորոսյան, Ջեմմա Անանյան, Մելս (Սամվել) Սահակյան, Յուրիկ Հարությունյան, Ռաֆիկ Պետրոսյան, Եղիա Շամշյան, Ռաֆիկ Ղազինյան, Սարգիս Մուրադյան, Աղասի Արշակյան, Ռազմիկ Դանիելյան 2.04.2001թ.
