ԶՈՌԲԱՅՈՒԹՅԱՆ ԳՆՈՎ Հանրապետության հրապարակում (Վ. Սարգսյան 26 հասցեում) 1995-ից գործող բացօթյա սրճարանը («Լույս ուղի» ՍՊԸ) երեկ մեզ ներկայացավ այսպիսի տեսքով. աթոռ-սեղանները հանվել էին, գորգերը պոկվել, հովանոցները շպրտվել էին մի կողմ, եւ սրճարանի աշխատանքը, փաստորեն, դադարեցվել։ Սրճարանը «խանգարել» էր «Կոնվերսբանկի» տերերին, որոնք, որքան մեզ հայտնի է, միայն վերջերս են հանգրվանել ՀամԿԽ-ի շենքում։ Մինչդեռ Կենտրոն թաղապետարանի եւ սրճարանատեր-վարձակալի միջեւ հաստատված պայմանագրով, հողատարածքի օգտագործման ժամկետը չէր լրացել, վարձակալն էլկատարել էր իր պայմանագրային պարտականությունները։ Բռնի տեղահանությանը մասնակցած անվտանգության աշխատակիցների գրագիտությունը չի հերիքի պայմանագրի կետերի հրապարակման համար։ Պայմանագիր, որը գործել է 7 տարի անընդմեջ եւ որեւէ մեկի փքուն տեսքին էլ չի խանգարել։ Այստեղ գործել է բանկի զոռբայության սկզբունքը։ Իսկ թաղապետարանը իր թուլիկությամբ անզոր էր պաշտպանել իր իսկ պայմանագիրը եւ ճկվել էր նորօրյա հզորների առջեւ։ Ռ. Մ.
