Հայաստանի 11 պատանի ձյուդոիստներ Բեռլինում մասնակցեցին մինչեւ 17 տարեկանների միջազգային պատանեկան մրցաշարին: Մինչեւ 60 կգ քաշային կարգում 3-րդ մրցանակային տեղը զբաղեցրեց Դավիթ Ղազարյանը, իսկ նույն քաշային կարգում Գեւորգ Թորոսյանը բավարարվեց 5-րդ տեղով, ինչն այս մարզաձեւում նույնպես մրցանակային տեղ է համարվում: Հինգերորդ տեղ գրավեց նաեւ մինչեւ 81 կգ քաշային Արման Սողոմոնյանը:
Հայաստանի ձյուդոյի ֆեդերացիայում տեղեկացրին, որ չնայած գրաված մրցանակային տեղերին, դժգոհ են արդյունքներից: Այժմ մեր պատանի ձյուդոիստները մեկնում են Բելգիա: Այնտեղ նրանք Գերմանիայում հանդես եկած հավաքականների հետ կանցկացնեն համատեղ ուսումնամարզական հավաք, որից հետո կմասնակցեն եւս մի միջազգային մրցաշարի:
