Ֆուտբոլի Հայաստանի ազգային հավաքականի գլխավոր մարզիչ Վարդան Մինասյանը վերջապես հրապարակեց այն ֆուտբոլիստների ցուցակը, որոնց հրավիրել է՝ նախապատրաստվելու աշխարհի 2010 թվականի գավաթի խաղարկության ընտրական փուլի՝ սեպտեմբերի 5-ին եւ 9-ին Բոսնիա եւ Հերցեգովինայի ու Բելգիայի ընտրանիների հետ Երեւանում կայանալիք հանդիպումներին:
Երեկվանից սկսված ուսումնամարզական հավաքին մասնակցում են հետեւյալ ֆուտբոլիստները:
Դարպասապահներ. Գեւորգ Կասպարով («Ուլիս»), Ստեփան Ղազարյան («Բանանց»), Գրիգոր Մելիքսեթյան («Փյունիկ»):
Պաշտպաններ. Ռոբերտ Արզումանյան («Ռանդերս», Դանիա), Սարգիս Հովսեփյան («Փյունիկ»), Հրայր Մկոյան («Ուլիս»), Վահագն Մինասյան («Փյունիկ»), Ալեքսանդր Թադեւոսյան («Միկա»), Էդուարդ Կակոսյան («Բանանց»), Աղվան Մկրտչյան («Միկա»):
Կիսապաշտպաններ. Արարատ Առաքելյան («Մետալուրգ», Ուկրաինա), Արթուր Եդիգարյան («Փյունիկ»), Դավիթ Գրիգորյան («Ուլիս»), Կարեն Ալեքսանյան («Ուլիս»), Արտավազդ Քարամյան («Տիմիշոառա», Ռումինիա), Արտակ Գրիգորյան («Արարատ»):
Հարձակվողներ. Հենրիխ Մխիթարյան (Մետալուրգ», Ուկրաինա), Եղիա Յավրույան («Մաքքաբի» Թել-Ավիվ, Իսրայել), Հովհաննես Գոհարյան (ԲԱՏԵ, Բելառուս), Արման Քարամյան («Տիմիշոառա», Ռումինիա):
Հայաստան-Բոսնիա եւ Հերցեգովինա հանդիպումը կայանալու է Վազգեն Սարգսյանի անվան հանրապետական ստադիոնում՝ ժամը 20.00-ին: Այդ խաղը սպասարկելու է Հոլանդիայի մրցավարական բրիգադը՝ Էրիկ Բրամհարի գլխավորությամբ: Իսկ Հայաստան-Բելգիա հանդիպումը, որը կայանալու է սեպտեմբերի 9-ին՝ նույն ստադիոնում, ժամը 21.00-ին, սպասարկելու է Մակեդոնիայի մրցավարական բրիգադը: Խաղի գլխավոր մրցավար է նշանակվել Ալեքսանդր Ստավրեւը:
