Սեպտեմբերի 12-ին Գյումրիում կանցկացվի հայաստանցի անվանի հեռացատկորդ, Եվրոպայի գործող ռեկորդակիր Ռոբերտ Էմմիյանի անվան գավաթի միջազգային 8-րդ խաղարկությունը: Մրցաշարին կմասնակցեն 7 երկրների 16 մարզիկներ:
Էմմիյանը 1988 թվականին է սահմանել Եվրոպական ռեկորդը՝ ցույց տալով 8 մետր 86 սմ արդյունք: Անցել է 22 տարի, բայց նրա նվաճումը դեռեւս չի հաղթահարել Հին աշխարհամասի ոչ մի ներկայացուցիչ: Էմմիյանը, որն այժմ աշխատում է Ֆրանսիայում, ներկայումս հայրենիքում է եւ ղեկավարում է միջազգային մրցաշարի նախապատրաստական աշխատանքները:
