Հայաստանի սուսերամարտի ֆեդերացիան Քութայիսում անցկացված մարզաձեւի միջազգային մրցաշար գործուղել էր ճկասուսերի եւ խոցասուսերի՝ տղաների եւ աղջիկների երկուական թիմ:
Աղջիկների պայքարում (ճկասուսեր) կիսաեզրափակչում հանդիպել են Սուսաննա Ղազարյանը եւ Հասմիկ Աղաբաբյանը: Հաղթելով Հասմիկին՝ Սուսաննան մտել է եզրափակիչ եւ այստեղ էլ պարտության մատնելով վրացուհուն՝ գրավել 1-ին տեղը: Իսկ Աղաբաբյանը, ինչպես նաեւ Մանիկ Հակոբյանը դարձել են երրորդ մրցանակակիր: Տղամարդկանց պայքարում առաջին եւ երկրորդ տեղ են զբաղեցրել Արմենակ Գասպարյանն ու Գեւորգ Հարությունյանը: Նրանց հաջողությունը կրկնել են նաեւ խոցասուսերակիրներ Սպարտակ Հարությունյանն ու Ռոբերտ Խաչատրյանը, որոնք կիսաեզրափակչում առավելության են հասել Ադրբեջանի ներկայացուցիչների նկատմամբ: