Գեղասահորդ Եվգենի Պլյուշչենկոն զրկվել է Չմշկասահորդների միջազգային միության հովանու ներքո անցկացվող մրցումներին մասնակցելու իրավունքից, հաղորդում է կազմակերպության պաշտոնական կայքը:
Դա նշանակում է, որ Սոչիի ձմեռային օլիմպիական խաղերում Ռուսաստանը զրկվեց տղամարդկանց մենասահքում չեմպիոնի ամենահավանական հավակնորդից: Իսկ քանի որ Յագուդինից եւ Պլյուշչենկոյից հետո, ռուսական մենասահքում արժանի սերնդափոխութուն տեղի չի ունեցել, առաջիկա տարիներին Ռուսաստանը գործնականում չի կարողանա հավակնել մեդալների՝ ձմեռային ամենահեղինակավոր մրցաձեւերից մեկում:
Պլյուշչենկոյի որակազրկման պատճառն այս տարվա մարտ-ապրիլ ամիսներին՝ առանց մարզաձեւի ֆեդերացիային տեղյակ պահելու, կոմերցիոն սառցե շոուներին մասնակցելն է: Սակայն մարտին կայացած աշխարհի առաջնությանը Պլյուշչենկոն չէր մասնակցել՝ պատճառաբանելով վնասվածքը:
